خطة أسعار الانترنت الجديدة فى مصر أغسطس 2015

الجمعة, يوليو 17, 2015


صرح الوزير خالد نجم وزير الاتصالات وتكنولوجيا المعلومات، إن شغل الحكومة واهتمامنا حول المواطن حيث بدأنا بالتركيز على جودة خدمات شركات المحمول كما نعمل على نشر الانترنت بجودة وسعر مناسب للمواطنين (طبعا كلام كدب ونصب وتخلف كالعادة).

خالد نجم, وزير الاتصالات, اسعار تى اى داتا الجديدة

وصرح الوزير فى المؤتمر يوم الخميس (16/7/2015) أن الوزارة تلقت أول عرض لتخفيض قيمة أسعار خدمات الانترنت من شركة "تى اى داتا" للوصول بسعر الميجا الواحدة الى نحو 50 جنيه فقط!

وسيتم إلغاء السرعات الاقل من 1 ميجا (متفرحش اوى) وتم تحديد مقدار الاستهلاك الشهرى لجميع السرعات.

وهذه هى الأسعار الرسمية الجديدة لشركة تى إى داتا والاستهلاك الشهرى المحدود الخاص بها:


1- سرعة 1 ميجا بسعر 50 جنيه شهريا مع استهلاك مقداره 10 جيجا فقط (طبعا محدش هيشترك فيه).


2- سرعة 1 ميجا بسعر 95 جنيه شهريا مع استهلاك مقداره 100 جيجا فقط (شعبى).


3- سرعة 2 ميجا بسعر 140 جنيه شهريا مع استهلاك مقداره 140 جيجا فقط (شعبى).


4- سرعة 4 ميجا بسعر 200 جنيه شهريا مع استهلاك مقداره 150 جيجا فقط! (نسيوا يخلوها 200 جيجا).


5- سرعة 8 ميجا بسعر 350 جنيه شهريا مع استهلاك مقداره 300 جيجا فقط.


وكانت الشركة المصرية للاتصالات قد أقرت مؤخرا تسعيرة جديدة لتأجير بنيتها التحتية، بما يضمن إتاحة السرعات العالية بأسعار مناسبة (فى المشمش السرعات العالية والاسعار المناسبة).

وأخيرا علشان مفيش أى داعى إننا نكمل الموضوع ببقية الكلام التافه المنقول اللى ملهوش أى معنى ويبدو ان كل الحكاية انهم عايزين الناس تشترك على خط 1 او 2 ميجا او حتى 4 ميجا بسعه استهلاك لا تتعدى 150 جيجا فى الشهر وشكراً.


.I am Geophysicist, but I love Computer Science

Other Interesting Articles

Previous
Next Post »